Kryeministri i Republikës së Kosovës, Albin Kurti, në kuadër të pjesëmarrjes së tij në Forumin Strategjik të Bledit – BSF 2023, sot do të jetë pjesë e një paneli të diskutimit së bashku me liderë të rajonit.

Ai po ashtu do të zhvillojë disa takime bilaterale, shkruan Arbresh.info.

Ndryshe, Kurti dje ka qenë i pranishëm në darkën e punës të ftuar nga kryeministri i Republikës së Sllovenisë, Robert Golob.

Me anë të një postimi në Twitter, Kurti tha se nga Golob ka marrë mesazhe motivuese mbi zgjerimin e BE-së dhe mundësitë për anëtarësim të Ballkanit Perëndimorë.

“Mesazhe inkurajuese nga Kryeministri Robert Golob mbi zgjerimin e BE-së dhe mundësitë për Ballkanin Perëndimor. Unë i bëra jehonë thirrjes për një qasje të bazuar në vlera ndaj anëtarësimit në BE, të fokusuar në respektimin e pakicave dhe me njohjen reciproke si parakusht”, ka shkruar Kurti.

Encouraging messages from 🇸🇮 Prime Minister Robert Golob on EU enlargement and opportunities for the Western Balkans @BledStratForum.
I echoed the call for a values-based approach to EU membership, focused on respect for minorities, and with mutual recognition as a precondition. pic.twitter.com/tgDWdASYP9

— Albin Kurti (@albinkurti) August 27, 2023

Në këtë takim prezentë ishin edhe kryeministri i Shqipërisë, Edi Rama, ai i Malit të Zi, Dritan Abazoviq, kryeministrja serbe, Ana Bërnabiq dhe përfaqësues të tjerë.

Kujtojmë se kryeministri i Kosovës, Albin Kurti, dje udhëtuar për në Bled të Sllovenisë për të marrë pjesë në Forumin Strategjik të Bledit – BSF 2023./Arbresh.info